تحت الارض احبك

هذه القصيدة أعتبرها من روائع المبدع فهد المساعد
حقيقة أغبط مـي التي بالقصيدة لما كان من الكلمات
بكل قصيدة يافهد تثبت لي شخصيا بما لايدع مجالا للجدال
أو النقاش أن فهد هو القمة مهما علت الأصوات.
ولعلي بذلك أبرهن للجميع أن فهد المساعد شاعر روّض
الكلمة مهما كانت لها القـوة وأصبح فارسها الأوحـد:-

مي هذي مثل طلّ الصبـح لأغصـان الحدايـق=يبتسـم قطـر النـدى لاباسـتـه أو باسـهـا
مي هذي بنت لامن شفت صدر الليل ضايـق ..=أدري ان عيون مـيّ اليـوم طـال نعاسهـا !
من هنا تصحى ويصحى الحب في عيون الخلايق=ومن هنا تغفى وتنسى الارض ضحكـه ناسهـا
يسعد الله قلب ميّ اللي كثـر ماهـوب بايـق ..=..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق=حيّرتني مي..الأجمل : هـي..والا أحساسهـا !؟
بالها لاضاق زانت..كيف لامن صار رايـق!؟=في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق=بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق=من قبـل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق=الجسـد موتـه يفـك الـروح مـن حراسهـا
ماأحبك فـوق الارض وبـس ياكـل الخلايـق=حتى تحت الارض أحبـك يابعـد مـن داسهـا
مي لو ماقلـت فيهـا بيـت واحـد ماتضايـق=لأن مالي شعـر ينشـر لـو رفـض كراسهـا