قال الوداع.. وقلت ريع لي شويّ=أصبر.. ترى عمر السعاده ثواني
قال الظروف..وقلت عن ظرفها عيّ=تعال... وقف ساعتك في زماني
قال أحترق في شمسك وأنت في فيّ=وما كل ماغطى عيوبك كساني
قلت العفو أصبر على حامي الكيّ=وأكسيك من صبري كساوي حناني
قال الحقيقه شي وأحلامنا شيّ=والشاهد الله ليت هذا مكاني
قلت الوعد..قال الوعد يابعد حيّ=لا صاح لك قلبي وقلبك دعاني

يـابـعـد مـــن قبلك عـشـقـت وعـشـقـنـي
أقول لك لو قلت: (( صدقت .. صدقت))

واقـــول لومـاقـلـت : والـلــي خـلـقـنـي..
اشتقت لك.. واللي خلقني لـك اشتقـت

انـــت اضـمـنـك والـشــك بـــك مالـحـقـنـي
لاشـك لـو كنـت اضمنـك مااضـمـن الـوقـت

حـبــل الــرجــا لــــو ماقـطـعـتـه شـنـقـنـي
وحـبــل الـوصــل لـــو ماعـقـدتـه تطـلـقـت

مــدري وش الـلـي فـــي كـلامــك خنـقـنـي
كــنّــك بــكــل حْــبــال صــوتــي تـعـلّـقـت!

كـتـمـت صـوتــي لـيــن صـمـتـي نـطـقـنـي
وعـتّـمـت شـوفــي لـيــن بالـقـلـب بـرقّــت

فــي حـزنــي الـلــي لـــو ملـكـتـه عتـقـنـي
وفــي طبـعـي الـلـي لـــو فشـلـتـه تـفـوّقـت

أنـــا كــــذا مــــن يــــوم ربــــي خـلـقـنـي
مـااعــرف اوسّـــع خـاطــري لاتـضـايـقـت

جا يشـوف الحـال كيفـه بعـد ماهـزه حنينـه=وقبل يسألني سألتـه : كيـف حالـك يالحبيـب ؟

قال : انا كنـي غريـب ضيـع دروب المدينـه=قلت : انا كنـي مدينـة تنتظـر رجعـة غريـب

قال : اجل وش فيك تكره سيرة الحـب وسنينـه=قلت : أجل وش لون ما اكره سيرته دامك تغيـب

انت لا من غبت حتى مرايتـك صـارت حزينـه=كيف ما تبغاني أحزن وانت لي حظ ونصيـب !؟

الهدايـا و الرسـايـل و المكاتـيـب الثميـنـه=والليالي و القمر و الريـح و الكـون الرحيـب

كل ما تبعد .. تجيب الشعـر ليـه مـن يدينـه=و تقعد جروحـي تـودي فالطواريـق و تجيـب

يا بعـد كـل القصيـد و نـزوة حـداه و انينـه=لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحـوح لينـه..=.. ياخذ لجرحي بثـاره مـن خطايـاك و يطيـب

و بعد هذا جـاي ترمـي ذنبـك بوجـه المدينـه=مـا دريـت ان المدينـه كلهـا شمعـة غريـب