السلام عليكم ورحمة الله وبركاته
طبعابتستغربون بتقولون وش في ملكه قلبت عالسيارات

برد بقول مادري يمكن شاربه بايسون

المهم...بعطيكم لسته من كبار المفحطين بالخليج ونبذه عنهم

1_الاسم :بدر عوض

العمر:29سنه

اللقب:ملك التفحيط

معلومات:بدا التفحيط في حي العقيق احد احياء الرياض وهو يعد من افضل المفحطين في الرياض
اذا ما كان في المملكه وعندما يذكر التفحيط لابد من ذكر بدر لان اسمه ارتبط بالتفحيط وهو مشهور بالعقد والعكسيات والتطنيل على
البيبان وايضا ارتبط اسمه بالكامري لانه ما يفحط الا بالكامري
ومن مقولته الشهيره يقول((مثل ما طيحت الشباب بالكامري 98 ابي اطيحهم بالكامري 2003)).سجن مرات عديده بسبب التفحيط واخر مره
سجن فيها قبل العيد الي فات وخرج من السجن يوم العيد وابدع في اشواط كثيره خاصة في شارع المليون...

حوادثه:له حوادث منها حادثه مع ولد عمه وانقلبوا وصارت الكامري تدور وهي منقلبه
وتوفى ولد عمه و حادثه المشهور في اللمبه وانفجرت السيارهو حادثه في اشاره الفروسيه واشتعلت
الاشاره...



2_الاسم:مخلد

اللقب:كازنوفا.

معلومات: مشهور بالتنطيل والتكبيس واشهر شوط له في شارع البعارين على هوندا اكورد ثلاث نطلات مع التكبيس
في كل نطله وثلاث عكسيات


3_ الاسم:ماجد

اللقب:بوبو

معلومات:من افضل المفحطين في الوقت الحالي له خشات قويه وكتاباته ورا القزازه
تكون دايم قويه منها ((خذ الحظر بوبو حظر )) ((بوبو يقول
توبو))مشهور في النطل الجامده والطويله ومشهوربتهبيله للدوريات.



4_ الاسم:غرمان

معلومات:معروف بأشواطه الجنان يعني انواااع التبديع ومشهور بالعقد والعكسيات السريعه والدوارات
الطويله وله خشات كثيره واشواط خاصة في شارع البراميل...


5_ الاسم:احمد حمد

العمر:22سنه

معلومات:وهو يفحط بكرسيدا اكس ال او كامري واكثر تعقيد ثلاث عقد ويطبق جميع
الحركات المتنوعه ومشهود له بالسواقه العاليه والتحكم الممتاز
بالطاره..

حوادثه :من حوادثه المشهوره قبعته بكامري بعموودالنور وقشعته لسياره وهو يفحط.


6_ الاسم: علاء حسن

اللقب:ابوعابد

العمر:20سنه

معلومات: من مفحطين مكه المعروفينوساكن حاليا بجده وبدا التفحيط وعمره 12 سنه بكرسيدا 80 وما خلى
سياره الا فحطبها ومعاه حاليا كابرس 2002اما بالنسبه لحركاته فهي كثير ه وابو عابد جااب اربع عقد ونص كامله بمزدلفه بكامري
بيضاء2001وفننان نطل علا طاره و الي شهدوله مفحطين الرياض انفسهم
مثل كازانوفا ومن ميزاته انه ما يفحط بزحمة مزدلفه وانه يطبق الحركه بمحلها المناسب..

حوادثه: اما بالنسبه لحوادثه له حادث انقلاب بشفر ما وقفت الافوق الصبات وهاذا الحادث الوحيد حقه.


7_ الاسم: مازن

العمر:22سنه

اللقب:الهقلص/ملك الدائري

معلومات:اول سياره فحط فيها ونيت غماره//كانت
بداية تفحيطه ثاني سيارهGTXثالث سياره كامري وهذي طبعامن بداية تفحيطه والحركه المشهور فيها(طلوعه من السياره
بسرعه140كلم ولمس اللوحه الاماميه والخلفيه طبعا مع مساعده الراكب في مسك الطاره ودعس البانزين)جاب ثلاث عقد طبعا في
خطوط ما يعلمبها إلى الله اول لقب سمي فيه (ملك الدائري)من هواياته السيارات والجنان وسيارته
الخاصه((كامري2002 تفاحي/جمس97 عودي))واخر تفحيط له في رمضان1423هـ في خط المطارامام كزنو طيبه بكامري 2002 تفاحي
مستأجره وكامري 2001 كحلي وكامري 2003 بيضه

من اشهرحركاته:ثلاث عكسيات ثلاث عقد وفي اماكن خطيره حركة
الموت يعشق الحركه وعلى سرعه كبيره تنطيل والزحف على
البيبان عكسيات على جهه واحده وعقدتين ونص ومن مميزاته لبس
القناع الاسود مفتوح من العين بس.....حوادثه:اول
حادث له في الدائري بكامري كحليه2001وهو بينطل على 220kmوثاني
حادث انقلاب في خط
المطار..


8_ الاسم :عبدالله

اللقب:ابومشعاب

العمر:21سنه

معلومات:من افضل المفحطين في عرعر ويطبق جميع الحركات جاب ثلاث عقد ونص في شارع النخيل
وحركة السفتي وحركة الشراره والتنطيل على البيبان بسرعة220كم والتكبيس وسيارته كامري2003 ومشهور بتهبيله
للدوريات...

حوادثه:هو حادث واحد على خط المطار بددسن2002كان ينطل نطل النطله الاولى والثانيه والثالث جابها
طويله وهجت منه وانقلبت الددسن وكان الحادث الوحيد لبو مشعاب...

يعني ياشبااااااااااب التفحيط اقرب وسيله للموووت

تمهل...واذكر دموع المحبين ..عسى الله بالحزن لايبتليينا..
اذا روحك على نفسك ولا شي..بلاها السرعه يالغالي علينا..



ملكـــــــــــــــــــــــــــــــــــــــــ:icon3 1:ــــــــــــــــــــــــــــــــــــه