ماذا كنت تكتب على طاولتك في المدرسه ؟؟

صمت الودااع · مشاركة رقم : 1 07-06-2008, 05:13 PM

ماذا كنت تكتب على طاولتك في المدرسه ؟؟

ماذا كنت تكتب على طاولتك في المدرسة؟! || <<<الاعتراف بالحق فضيله

وش اخباركم

موضوع اعجبني شفته في احد المنتديات وحبيت اجيبه لكم عشان نعرف ماضيكم

الجميل

كل واحد يدخل يكتب لنا إذا يتذكر وش كان يكتب على طاولة المدرسة

لا تقولون كانت طاولتكم نظيفة بسم الله عليكم

اللي يكتب اشعار واللي يرسم ويظهر مواهبه والكل يعترف

تحيـــاتي للجميع..

..اللوتس.. · مشاركة رقم : 2 07-06-2008, 06:06 PM

هآي ..

بالنسبه لي انا طاولتي فيهآ كل شي يحبه قلبك .. بس اكثر شي رسومآت وعيون وكلمات الاغاني
اللي تعجبني كثير واحيانا صور ممثلين وممثلات بس دوم تقطعهم لي الابله الملقوفه

..
واحيانا لما تكون الحصه ممله اكتب على الطاوله الاشياء اللي انا افكر فيها من غير ما ادري
وتنبهني لها صاحبتي

اممم كنت مصورتها انا بس دورت الصورة ومالقيتها ..
اذا لقيتها بآجي احطها هنا
موضوع رآق لي كثيراً ..بوجهة نظري تستحقي + رجعتينا لايام المدارس والشقاوه

دمتي بسعآده صمت

فــيــصــل · مشاركة رقم : 3 07-06-2008, 06:27 PM

مادري صراحه
يمكن كثرة النوم ما كانت تخليني أكتب

أذكر مره كلمتين كتبتهم وأنطقيت عشانهم
كانت حصة حديث في المرحله الثانويه

وطبعاً الله يغفر الذنب اللي مثلي قاعد في اخر الفصل في الزاويه
ومتلثم والحصه السادسه يعني قبل أنتهاء الدوام بساعه بيكون اكيد قافله اخلاقه ولا له خلق في شي
وعلى ذالك بينه وبين المدرس تتشات وحركات

المهم أذكر اني نعست وما دريت الا والخطاط
جايني يمشي طبلونه زين انه ما ضرب فيني
واقوم والتفت وألاقي المدرس حاذفني فيه سكت وخليت الخطاط عندي
وهو قال لا اشوفك نايم طلعتك برى قلت طيب خير إن شاء الله

وقاعد العب في هالخطاط
وسبحان الله انا احب ارسم واكتب واتفنن بالخطوط << من جنبها

وأجي وأكتب ..

(( ... أذكــــري الــمــشتــاقـ ...))
توني بكـمل الأ ذا اللي واقف فوق راسي
وعاد ما يحتاج مدرس ملتزم الله يثبته ويجزاه الخير وشاف مطلع أغنيه لا ومخاطبه لفتاه بعد
يعني بالعقل وش راح يصير فيني وش راح يسوى فيني

سبحان الله
هذا انا اليوم أصلي صلاة الجمعه في مسجد ذاك المدرس اللي وبخني وبهذلني يوماً من الايام وهو خطيب الجامع
وكم مره ألتقيته أخرها عرف بأنه جالي ولد ويقول عساى مايطلع داشر وسربوت مثلك يافيصل زمان

والعبارات واجد والحروف والرسومات والترويس على الطاولات
الله يغفر الذنب كنت أسرق طاولات اول ثانوي عشانه جديده تصلح لترويس
ولا يلاقونها الا عندي

وشكاوي ومشاكل أيام كنا ضايعين فيها وربي

يلاه فضفضنا شوي

الله يعطيك الف عافيه يالغلااا
وعساك على القوه

سمو العز · مشاركة رقم : 4 07-07-2008, 12:21 AM

هههههههههههههههههه

انت قل وش الي في طاولتي وش الي مافيها

كنت ارسم عليهآ عيون واكتب العيون السود وشلون املهآ

< الله يالي يسمعك يقول رسام

وجبت صوره جمس ولزقتهآ كتبت ع الجنب .. الهجوله بالله لا تلومينآ

واغلب الاوقآت نآيم < يعني وآحد ورى في الزآويه وش بيسوي

واذآ فيه شي بسويه اقعد اكتبه زي مره تذكرت اني بجيب خبز حق اميمتي وبرجع اختي من المدرسه

كتبت ( لاتنسى الخبز ورجع اختك من المدرسه ) << رآيق

ومره كتبت الرموز حقت الموآد العلميه لآن الاستاذ بيسالنآ فيهآ .. ويوم شافني اكتبهآ

طردني شر طرده اوب صآحيه

ومره وآحد من اخويآي قعد يكتب ع طاولتي .. كتبت عليهآ بالخط العريض ( جعل يده الكسر الي يكتب فيهآ ) < مآعنده تفآهم

وبس هذي طآولتي المقرشعه الجميله جدآ

تسلم يالغالي ذكرتني بالطآوله << يقالك منهي الدرآسه من عشر سنين خخخخخخخ

صمت الودااع · مشاركة رقم : 5 07-17-2008, 02:19 AM

اشكركم اخواني عالمروور

وايام الدراسه والكتابه عالطاااوله شحلاتها

صمت الودااع

خـذاني الشـوق · مشاركة رقم : 6 07-17-2008, 11:46 AM

يعطيج العافيه صمت رديتيني لاحلا ايام في حياتي والتعهدات و و ...
وطبعا الشي المميز في طاولتي اني كل ماخلصت سنه وصيت عليها الفراشه
توديها للصف اللى بعده هههههههههههههههههههه << واثقه بالنجاح
وكنت لما اروح استلم الشهاده اتأكد انها ودتها تعرفين كل شي والا طاولتي والله لها معزه
وطاولتي المكتوب فيها بيت شعر بس على كبر الطاوله واهو...
عمر الزمن ماحقق لخاطري شي
.............. وجعل العوض في مقبلات الليالي
تحياتي لك
خـذاني الشـوق