قالت ترى منت بحلو قلت رجاااال ..!!!

جرريح شمرر · 08-12-2008, 07:33 AM

قاالت ترى منت بحلو قلـت رجـال

والزين ماهو مـن شـروط الرجولـه

الزيـن يلـقـى عـنـد لبـاسـة الـشـال

والرجل زين ان كان زانـت فعولـه

قالت علامك تلبـس شمـاغ وعقـاال

انت بدوي؟ قلت بدوي ومن حموله

ما ألبس بناطيل لها الوان واشكـال

وامتـر الشـاارع بعـرضـه وطـولـه

قالـت اجـل راعـي معامـيـل ودلال

شـرب القهـاوي تحسبـونـه بطـولـه

كيفي يابنـت الحضـر دلـه وفنجـال

وحلـيـب خلـفـه بالـمـراح معقـولـه

وحب الكرم والجود وعلوم الابطال

مغـروس فينـا مـن زمـان الطفـولـه

قالت ترى بنـت البـدو حظهـا مـال

قلت احـذري حـذرا تكونـي جهولـه

بنت البدو يابنت مضـرب للامثـال

فووق الجمـال وطاعـة الله خجولـه

ماحطـة اصبـاغ ولا حطـت ظــلال

ولا سيـرة بالـسـوق سـيـر مهبـولـه

هي مهرة تصعـب علـى كـل خيـال

وانتـي ومثلـك عسفـهـن بالسهـولـه

قالت تغزل بـي وشـف حبـة الخـال

ناظـر عيونـي والرمـوش الكسولـه

قلـت العفـو مايجتمـع حـب وهبـال

ولـكــل ذوق فالـمـزايـيـن جــولــه

قلتـي وقلـت وكلمـة الصـدق تنقـال

الزين ماهو مـن شـرووط الرجولـه

سسسسسسسلآمتكم .. [ جرٍيح شمرٍ ]