السلام عليكووووووم

أسعد الله أوقاتكم بكل طيب

من حيني فاشل في المقدمات عشان كذا نخووش بالزبدة
اول شي هذي قصة من وحي الخيال لا احد يشطح راسه بعيييييييييييييييييييييييييييييييد

مامعاكم خبر زين يارسول السلامة لا تخيب ظنوني ** بسألك عن البحرين كيف أهل المنامه عادهم يذكروني

^
ينعن أوم المدخل واضح إن الموضوع داج

أول شي حنا اثنين اخوان الكبير أيامها كنت بثالث ثانوي وهو بأولى ثانوي وكنٌا نسمع بالمغازل من يومنا صغار ونبي نجرب ونشوف وشهو هالمغازل

كنت دائما اعرف اقنع أبوي، اقنعه اننا نروح لخالي عشان نذاكر لنا وطبعاً خالي كان وقتها يطق عمره في الثلاثينيات وكان فله من جد وكل ما اقنعت ابوي إني أروح لعند خالي ينشب أخوي الصغير فيني عشان يشوف وش نسوي وخالي كان عزابي وساكن في شقة لحاله وكان موظف وكل شي اوكيه بس مشكلته شكله كان مقشع ( مقشع = شديد الشهابه ) والحمدلله اني ماطلعت عليه


المهم رحنا لخالي ذاك اليوم وكنٌا نروح على أساس يذاكر لنا هناك بحكم ان جو شقته هادئ ومافيه إزعاج، كنا نروح هناك ونجلس نشوف أفلام وثائقيه ( ايقونه مادونا ايام الشباب ولا تهون مرام وتصوير ولد جيرانهم ) المهم وحنا جالسين اقترح خالي اننا نطبخ عشاء عزوبية واتفقنا نسوي فول وتميس <= ويخب علينا بعد قلنا لأخوي الصغير يالله هذي 3 ريالات اثنين تميس وواحد فول ( الله يديم الرخص ايامها بريال الفول ) المهم حرك الموتٌر حقه => السيكل الجبلي الخطير مدري من معلمه على حديقة المكتبة ويروح لها الاطخم ويربط السيكُل مقابلها على ماصورة سنعه وينقز بصرواله وفنيلته العلاقيه للشارع اللي فيه باب الحديقة عاد هناك أنواع التجمعات والمغازل وكانت معروفة ذيك المنطقة بكثر المشاكل والمغازل والهيئه يحلفون مسنترين هناك 24 ساعة حتى ان حقين الحديقة بغوا يكلفون الهيئه انهم يمسكون الحديقه بدالهم من كثر ماهم مسنترين فيها



الموهم أخوي نقز بينهم كالغزال الشارد لصيد فريسته ( ايقونه اضحك مع غير البشر ، الله يالدنيا والله مدري وشلون كنٌا نضحك عليهم واعلى افلامهم الداجه ) نرجع للسالفه ، عاد العالم هناك كلهم مرسمين وزكرت واخونا بالله مرسٌم بسرواله وفنيلته العلاق حتى مالبس هاف شوي إلا والهيئه تطب عليهم ويتفرقعون الأخوان مثل المدرسة إذا رن جرس الطلعة ، الموهم ويجون الهيئه ويلقطون أخوي من علباه ويركبونه في الجمس .. وانا عند خالي وانتظر انتظر اخوي متى بيجي اخرتها واندس للبيت وانحاش لفراشي واصكها نومه <= قليل خاتمه سحب على أخوه شوي الا التلفون يدق آخر الليل واسمع الشايب يقول : هيئه الأمر بالمعروف ؟ وين مكانكم طيب ! وش مسوي هو ؟؟ .. مالكم بالطويله شوي الا وتجيني رفسه تمشي مليونين اثر الشايب مصحيني من النوم ويقولي امش يالله نروح نجيب اخوك لا بارك الله فيك وفي الساعة اللي جبتكم فيها الله يلعن من رباك .. وانا وقتها كنت جالس احلم بشغاله الجيران طيب كان حدي ذيك الايام ولا تهون البندري بس لو شفتوا شغاله الجيران عرفتوا السبب ، تقل سوريه مو اندونيسيه يحلفون انها لاجت تطلع الزباله الله يكرمكم ان اللي في الحارة كلهم يتمقلون فيها .. وانا طبعاً يطق فيني عرق الشهامة واروح اطلعها عنها



يوووه وش فيكم انتم تطلعونا من محور الحديث نرجع لسالفتنا ، الموهم ابوي قالي يالله تعال نمشي للهيئه نجيب اخوك قلت طيب يبه بلبس واجيك .. وانا اللي اروح اطق الثوب القصير واللي اكتشفت بعدين انه قميص اخوي يحلفون كان يوصل لركبني وشو ركبته سوداء المهم واطق الشماغ واقدم الطاقيه لحد حواجبي وارجع الشماغ ورا طبعاً بدون عقال .. رحنا للهيئه عاد أول مادخلنا عليهم وانا القى اخوي عند مكتب الشيخ يوم جينا وقبل لا يتكلم الشيخ أو ابوي وانا افتح فمي واصارخ على أخوي .. ماتستحي على وجهك تروح اماكن مشبوهة وأنا اقولك رح جب لنا دفاتر عشان نحل واجباتنا عليها وتروح تتسكع في أماكن مشبوهة واقعد اتفلت عليه والشيخ وابوي واخوي طيٌروا عيونهم فيني ومستغربين مني .. والشيخ قال لأبوي : انك لا تهدي من أحببت ولكن الله يهدي من يشاء مصدق يحسب اني ملتزم وان أخوي الداج



في اليوم الثـاني اقنعت ابوي لا يجيب لنا اخوي النشبـه عشان مايروح أماكن مشبوهة ويعاقبه ابوي بالسجن 2 شهرين في البيت ( ايقونه واحد انبسط انه افتك من أخوه ) واروح لخالي لحالي وانا تاعب من كٌوي الشمـاغ والثوب حتى اني كويٌت الهاف حقي وخربتها ذاك اليـوم وطقيتها ترويشه ولا يهون عطر امي اللي تعطرت منه .. والله مدري انا تعطرت من عطر ولا من مبيد حشرات من زود الطفاقه خذت لي اقرب شي وتعطرت منه يعني يقالي مرسم اخر شي وفي رواية أخرى مرتزح اهم شي الطاقية الزري وانا اروح لخالي ويوم جيته واقوله : والله يا اعرف لك مكان فيه بنات بالهبل ابيك ترسم بس عشان تخاويني والله ويخربها خالي ويتروش هو الثاني ويتكشخ ونروح على الحديقة وطبعاً مثل ماكنت اتوقع بنات في الحديقة بالهبل والمغازلجية ياكثرهم والله واترزز واحصل لي وحده ماقصرت قدرت كوييٌ للشماغ وترسيمي تقول هندي ملبسينه شماغ بالغصب وقالت لي يالله بدخلك وحنا كنٌا بالسور وقلت لها طيب معي خالي بعد ابيك تدخلينه (شين وقوي عين ) رمقت خالي برمقة مدري وش تبي وقالت يالله مع انه شين بس بجيب له وحده تدخله .. وانا اللي انقز واروح اخذ التذكـرة واقابلها عند البوابة وقالت اني اخوها ( والله مدري وش جابني لاخوها البنت زي القمر وانا وجهي يالله لك الحمد تقول زفلت جالسين يرممونه ) ما امداني ادخل أخذ نص لفه في الحديقة وتوني بضبط كروت الأرقام ( احمدوا ربكم يالجيل التالي سهلوا لكم المهمة بالبلوتوث ) وانا جالس اتمشى في الحديقة معها وتوني جاي بقش عليها واهايط الا وذاك السيكورتي يدزني من ورا ويقولي تعال فيه ناس يبونك في المكتب عندنا .. قلت لها عن اذنك بس اروح اشوف وش يبون وارجع (ايقونه واحد ذهب ولم يعد ) ويدخلوني ذيك الغرفة ويسكرون علي الباب مادريت الا وهذا خالي في وجهي وش جابك انت هنا اخبرك برا الحديقة اثاريهم صايدينه وحاجريني انا وياه لحد ماتجي الهيئه



جت الهيئه وخذتنا وبنفس وقت امس ونفس اصحاب الهيئه اللي دقوا علينا امس عشان اخوي دقوا على ابوي مره ثانيه عشان يجي ياخذني شوي الا ابوي واخوي جايين (اللعين اخوي جاي يتشمت فيني حاقد علي من امس عشاني تسببت بسجنه في البيت ) ومن دخلة ابوي واخوي عرفني الشيخ وناظر فيني وقال : آهااا انت قدوة اخوك امس .. ويلتفت على ابوي ويقول : لا والله ان اخوه الصغير اهون على الاقل اخوه ماسكينه برا هذا ماسكينه يفرفر مع بنيٌه


واخرة السالفة انسجنت في البيت مع اخوي ومنعنا ابوي من الطلعة لخالي بعد ما عرف انه رأس المشكلة واننا نروح ندشر عنده بدل ما نروح نذاكر



مملوح مصرقع

وااااااااااااااااااااو

والله الخال الفله

هذا انصحك فييييه

هع هع هع هع هع هع هع

الولد الثالث ثانوي= الخروووف الازرق اكيد

هع هع هع هع

<<<<< محجــــــــــــوووز

ياشين
هذا الخال السنع قوول آمين الله يرزقني بخال مثله لو بالنصب
هع هع هع

اووومااا الخروف الازرق ههههههههههههههههههههههههههههههههههه
حسيت كذا من هياطه بعدين انواع النذاله مايبي اخوه يخرب خخخخخخ

بس يعجبني الصغير بايعها بتبن بالعلاق واللي بتجي تجي واللي ماتبي بسلامتها خخخخخخخخخخخخ

والهيئه ناشبين وين مايروحوووون
بس هذا على النظام القديم الخايس
اللي يجيك كرت مكتوب فيه مـــــحــــــمـــــد وع اليمين صورة قلوب وع اليسار المجروح وتحت الرقم
نظام ابو حقب خخخخخخ

يعطيك العافيه خيوووو على مرورك

احلى مصرقعه

وديني مافهمت شي وش محجووووز
تري شكيت بنفسي

شكله مخك انضرب واسلاك راسك احترقت خخخخخخخخخخخخ

يعطيك العافيه خيتو على الكلمه الوحيده اللي انا مدري وش معناها هع هع هع

لوووووووووووووووولااااتي

بصراحـه احلى مافي المواضيع الحجي و التعليقات شي ثااني خخخخخخخخخخخ

بس عندي سؤال محيرني جدا جدا جدا

شنو يعني ( مقشع = شديد الشهابه ) ..؟؟؟ مافهمت الكلمه ولا إلي تساويهآ كلش ملش

مملـــوح يعني احجــز لي مكآإن في موضوعك ,,

بمعنــى آخـــر لي بآإك ,,

نجي للموضوووع :

اما خآإلك هذآإ لو يدري انه خررب اجيآإل من بعدهـ كآإن كفــر فيكم عشآإن ماتنشرون المغآإزل في ارجآإء البلآإد <<< متعوب على ارجآإء البلآإد

جد شيآإطين رآإيحييين تذآإكروؤن اجل هآإهـ لو يدري ابوؤكم انهآإ مذآإكــرهـ بس من نووع آخـــر ,,

درووس في المغآإزل والدجه ,,

أهم شي تهزيئك لأخوؤك يعننك الولد الكبيـر العآإقــل الي تعب وهو ينصح اخوؤهـ الطآإيش ,,

بس أخـــر شي جت في وجهك ,,

إن شآإء الله انبسطتو في السجن بس ,, واهم شي ذآإكـــرتو زي الخلق ,,


مملــــووح ,,

يسلمووووووووو خيـــووو على هيــــك موضووووع خطييييييييير,,

لا تحرمنآإ من هيك موآإضيع ,,

كويتيه كووووول وحار

احسك قاريتها بكتاب وودك تقولينها من زمان بس مو عارفه كيف هع هع هع

مقشع = شديد الشهابه = ركبة سباك باكستاني = خشته تطقع الرزق = ملامح وجهه متزاعله = بالمختصر شين
<<< ياخي قل كذا من اول وشوله تطولها

يعني انا اللي فاهم ملش هع هع هع

يسلموووو خيتووو على مرورك ومشاركتك

احلى مصرقعه

اول شي ادري ماطبك الحلى بس وش اسوي هذا نكك هع هع
<<< ناوي ينجلد من زمان

طيب كان قلتي كذا من اول وشوله الفلسفه
<<< مقهور لانه حس انه غبي ولا عرف معناها

بعدين الحجز ممنوع من سبق لبق
<<< مسوي الحين زحمه عليه خخخخخخخخخخخخخخخخ


خالي هذا اصلا عاطل وظيفته تخريب الاجيال ونشر الافلام الوثائقيه
الملعون علشان ياخذ راحته بعدين بعد مايعم الفساد في جميع انحاء الارض

<<<< انحاء الارض احسن من ارجاء البلاد هذي قريتها بفلم وثائقي
<<< اقول ضف وجهك والله انك ماتدري وش معنى فلم وثائقي اشوا انك سامعبها وتدربي راسك

هو لو داري ابوي من اول كان جا معانا يفلها
هو اللي زعله اننا ماقلنا له وخلينها ينبسط خخخخخخخخخخخخخخخخخ

والله ياحبيلي وانا عاقل
لاني بصراحه كنت خايف عليه انه يضيع
<<<< تكفى يا ابن باز انت
<<< يسمع بها انه المطوع مايلبس عقال

والله عاد السجن كان فله مافيه احد يرسلك تعال ود هات جيب ولا فيه ابو يعلك كل شوي هع هع هع
بس اهم شي الشبهات اللي فيه انواع الشكوووووك

يسلموووووووو خيتو على مرورك وتعليقك

وانشالله البقيه تأتي

<<<< لا تصدق عمرك كاتب تراك مو من جنبها الا مديور عنها