أشعار سمعتها واعجبتني
وحبيت انقلها لكم
............................................
دام الخيانه في حياتك تسليك
ارحل هذاك الدرب وانت تدله
وكانك تحسب اني انا جيت شاريك
والله ما عمري شريت المذله
خيبت ظني والعشم هو كان فيك
وحبل الموده قمت بيدي افله
يا ليت بعد اليوم ماسمع بطاريك
اسمك على قلبي به الفين عله
يعني بتوريني والله لوريك
وجعلك والله تعيش عيشه ممله
اصحى يا نايم قوم مشعل يصحيك
اصحى ودر بالك يصيد اي ذله
لا تحاول تبرر ترى القلب ناسيك
ودامك بديت الحرب سيفي بسله
لابوك لابوعشرتك لابومخاويك
لابوالحبيب اللي يسميك خله
........................................
اضحك وداري عباد الله وجاملها ... والله على نعمة الكتمان قايدني
دورت بالخلق بايعها وعاقلها ... ولا لقيت لامن ضعت يرشدني
حتى اللي بديته من الناس بكملها ... راح وغدر بي ولا كنه معاهدني
مافي احد يحفظ العشره ويبجلها ... هذي الحقيقه وشكي ما يراودني
ان متت كلن نسا ذكراي واهملها ... وان رحت ماحدن من الناس فاقدني
عزاه يا ضيقتن بالصدر شايلها ... وين اللي يبكي علي وان طحت يسندني
لا جيت اقرب من خلاني وواصلها ... لقيت حتى طريق القرب يبعدني
يلي جروحك عرفت شلون اعاملها ... انا تعودت لا داعي تعودني
اول سنيني واخرها واجملها ... الله معك ومعي وبيك توعدني
لا جات ذكراي في بالك تأملها ... شوف وشكثر بالتعذيب كنت تجهدني
ليتك مثل ما تخيلها تخيلها ... وتعرف الاحزان اللي كنت مسعدني
اليوم سلم على الصوره وقبلها ... ماعاد فيني شعور لك يجودني
والله مادري انا من وين احصلها ... من ضيم الايام ولا من حظ معاندني
جتك الرساله انا ما كنت ابرسلها ... لكن هذي هي اليوم واليوم تنشدني
أنت غير مسجل في :::: منتديات مملكتي :::: . للتسجيل الرجاء إضغط هنـا
![.:: [دردشة مملكتي الكتابية]... ::.](http://www.mmlkte.com/vb/images/bnrs/chat-mmlkte.gif)
الإهداءات
اشعار وخواطر مسموعه
