ياطير بلغ له سلامي وقله

المـــــتأأألـق · مشاركة رقم : 1 08-27-2008, 09:41 PM

هذي ابياتي وامل ان تنال اعجابكم

يا طير بلغ له سلامي وقلــّــــــــــــــه
---------------------------ان العواطف حيل متولعه فيــــــــــــه
قلــّه ترى قلبي معه لا يتلـــــــّـــــــــه
---------------------------عطني علومه بالغلا وش هقاويــــــه
ادخل عليه وبلغه في محلـــّــــــــــــه
----------------------------واعطه مراسيلي وانا في حراويـــــه
اخاف من موج الشواطي يشلــّـــــــه
---------------------------وابقى جريح وخافقي من يداويـــــــه
اللي يبادلنا الغلا مانملــّـــــــــــــــــه
----------------------------نصبرعسى يومن ٍ تجينا دعاويــــــه
قلــّه يجاوب هاجسي لوحصلــّــــــه
----------------------------وقلــّه بعد قلبي يحبه ويغليــــــــــــه
بنيت له في داخل القلب فلــّــــــــــــه
----------------------------والعرش زينته بكامل متاكيــــــــــــه
ما باقي إلا يعتلي قلب خلــّـــــــــــــه
----------------------------يامر وينهى والمعاليق تفديـــــــــــه
من بادي المده وانا عاشق ٍلــّــــــــه
----------------------------آموت واحيا بالهوا في معاليـــــــــه
سيف العيون المرهف اللي تسلــّـــه
----------------------------سدد سهوم الحب في قلب غاليــــــه
شفته مقفيّ ليتني قبلة ٍلــّــــــــــــــه
----------------------------ياليت وجهه تبتسم لي نواصيـــــــه
يابدر كافي مغرمك لا تذلــّـــــــــــــه
----------------------------ضيّك ونورك ياهوا من يضاهيــــــه
بالصدر هاجوس ٍ وبالقلب علــّـــــه
----------------------------محتار من ياخذ سلامي يودّيـــــــــه
يانخل صيفك والبلح زان حلــّـــــــه
----------------------------اسمح لنا نرقى نخلكم ونجنيـــــــــه
العين تبكيكم غرام وتهلــّــــــــــــــه
----------------------------والقلب نبضه حبكم يا غلاويـــــــــه
يابو جديل ٍ فوق متنه يفلــّــــــــــــه
----------------------------والموج ياخذ من جماله ويعطيــــــه
اتخيل اهدابه رموش ٍ مضلــّـــــــــه
----------------------------واتخيل اني كل ساعه مصافيــــــــه
طلي علينا يالغلا بس طلــّـــــــــــه
-----------------------------يرويبها قلب المعنىّ صحاريـــــــــه
ليته يشوف اعروقي المضمحلــّــــه
----------------------------يبست شراييني وروحي تناديـــــــه
قلبك عطيني واحتمي تحت ضلــّـــه
----------------------------عسى هجير الحب تبرد لياليــــــــــه
لا ترمي بحبي على نار ملــّـــــــــــه
----------------------------والقلب تلعبه بجمرك وتشويـــــــــه
مزن العذوب اللي سحابي يدلـــــــــه
----------------------------عسا ترازم له رعودي وترويــــــــه

المـــــــــــــتأأأألـــــــــق

غـــرور انثـــى · مشاركة رقم : 2 08-27-2008, 10:13 PM

صح السانك اخوي سلمت لنا هالانامل وما خطت

تقبـــ مروري ـــل

وطن عمري · مشاركة رقم : 3 08-28-2008, 02:13 AM

طلي علينا يالغلا بس طلــّـــــــــــه
-----------------------------يرويبها قلب المعنىّ صحاريـــــــــه

اعجبني هالبيت

صح لسانك وعلا شاانك

اخوي

اسجل اعجابي بقلمك

انتظر جديد بوحك ونزف قلمك

تقبل مروري

فوتك بعافيه

ملك العوينات · مشاركة رقم : 4 08-28-2008, 03:38 AM

المتالق
صح لسانك
قصيده رائعه والاروع اناملك التي كتبت هذه القصيده
اسجل اعجابي بقلمك اخووووووووووي المتالق

وتقبل مرووووووري

خـذاني الشـوق · مشاركة رقم : 5 08-29-2008, 12:51 AM

بنيت له في داخل القلب فلــّــــــــــــه
----------------------------والعرش زينته بكامل متاكيــــــــــــه
ما باقي إلا يعتلي قلب خلــّـــــــــــــه
----------------------------يامر وينهى والمعاليق تفديـــــــــــه
من بادي المده وانا عاشق ٍلــّــــــــه
----------------------------آموت واحيا بالهوا في معاليـــــــــه

المتألق صح الله السانك ملايين وقصيدة قمة في الروعة
بانتظار جديدك
خـذاني الشـوق

أدوات الموضوع
مشاهدة صفحة طباعة الموضوع أرسل هذا الموضوع إلى صديق